Refund & Cancellation Policy

Somurobo Numerology ke saare paid products digital hain — ₹99 Numerology Report, ₹11 Shagun reports, Jyotish reports (Tarot, Chinese Rashi, Nakshatra, Sampoorna Pack), Tyohaar reports, kundli / tool unlocks aur chat, consultation, locator recharge. Payment server par verify hote hi PDF ya unlock turant milta hai. Is page par wahi likha hai jo hamara system asal mein karta hai.

1. Payment hua par report / unlock nahi mila — automatic refund

• Agar Cashfree par aapka payment safal hua lekin 10 minute ke andar report ya unlock nahi mila, to hamara system khud 2 baar dobara deliver karne ki koshish karta hai.
• Phir bhi deliver na ho aur aapki report ki PDF bhi na bani ho, to poora amount ek hi baar, automatic refund hota hai — usi payment method par jisse aapne pay kiya. Iske liye kuch karna nahi padta.
• Agar PDF ban chuki hai par email nahi aaya, to refund nahi hota — aap report kabhi bhi /report/download (Shagun: /shagun/download) se order ID aur mobile number daal kar download kar sakte hain.

2. Kab refund nahi hota

• Report deliver ya feature unlock ho jaane ke baad payment non-refundable hai — sirf man badalne par refund nahi milta.
• Ye reports paramparik ank jyotish / jyotish par aadharit margdarshan hain, guarantee nahi. Bhavishyavani sach na hone par refund nahi hota.
• Agar mili hui report mein technical galti hai (khulti nahi, galat naam / tithi se bani hai jo aapne sahi bhari thi), to order ID ke saath likhiye — hum jaanch karke report dobara bhejenge ya zaroori ho to refund denge.

3. Jyotish Q&A credits aur international (PayPal) payment

Inke liye automatic refund nahi chalta. Paisa kata par credits / unlock nahi mila to order ID ke saath [email protected] par likhiye — hum jaanch karke credits denge ya refund karenge.

4. Payment fail dikha par paisa kat gaya

Aisa payment hum tak nahi pahunchta. Aapka bank / UPI provider use aam taur par 5–7 din mein wapas kar deta hai. Report ke success page par "Dobara try karein" button bhi hai. 7 din baad bhi paisa wapas na aaye to order ID ke saath likhiye.

5. Cancellation

• Payment se pehle: payment page band kar dijiye — koi paisa nahi katta.
• Payment ke baad report / unlock turant deliver ho jaata hai, isliye order cancel nahi hota. Koi bhi product apne-aap renew nahi hota — har payment ek baar ka hai.

6. Refund kitne din mein

Refund Cashfree (ya PayPal) ke zariye original payment method par bheja jaata hai. Account mein aane ka samay bank / UPI provider par nirbhar hai (aam taur par kuch working din).

7. Sampark

Email: [email protected] — apna order ID (jaise NUMREP-…, SHAGUN-…), email aur mobile number zaroor likhiye. Poori shartein: Terms & Conditions · Contact